Er silikagel farleg å ete?
Nei, det er ikkje farleg å få i seg litt silikagel ved eit uhell. Silikagel blir ikkje tatt opp i kroppen etter svelging. Kulene tek følje med resten av innhaldet i magesekken på veg ut av kroppen. Gi litt drikke for å sikre at kulene ikkje festar seg på slimhinna lengre bak i svelget.
Silikagel blir brukt som tørremiddel i ymse varer, og er ofte merka med "Do not eat". Dette er for å gjere deg merksam på at det ikke er ei matvare. Om nokon likevel har ete nokre av desse kulen er det ikkje fare for forgifting.
Andre typar tørremiddel
Det finst andre typar tørremiddel i bruk som ikkje er silikagel. Om du har problemstillingar som gjeld desse tørremidla, tilrår vi at du tek kontakt med Giftinformasjonen for vurdering.