Symptom ved forgifting med vivendel
- magesmerter
- kvalme
- oppkast og/eller diaré
Førstehjelp etter uhell med vivendel
- Fjern eventuelle planterestar frå munnen.
- Gi litt å drikke.
- Kontakt Giftinformasjonen dersom barnet ditt har ete meir enn 10 til 15 bær frå vivendel.
Beskriving av vivendel
Vivendel er ei slyngplante i leddvedslekta som kan bli 2 til 8 meter lang. Den er viltveksande og finst vanlegvis langs kysten. Vivendel blir òg ofte dyrka som prydbusk.
Blomane til vivendel er vanlegvis kremkvite til gule, nokre med purpurskjær, cirka 4 til 5 cm lange. Blomane er velduftande om kvelden. Bæra er raude.