Dersom det skjer ei atomulykke, rår styresmaktene personar under 18 år, gravide og ammande til å ta jodtablettar. Statens strålevern vil då gi beskjed. Ikkje ta jodtablettar utan at styresmaktene har oppmoda til det.
Illustration: Aleksandr Davydov/Mostphotos
Ved ei atomulykke kan radioaktiv jod bli spreidd via lufta og teken opp i skjoldbruskkjertelen når du pustar inn ureina luft eller får i deg ureina mat og/eller drikke. Tilskot av naturleg jod blokkerer opptaket av radioaktiv jod i skjoldbruskkjertelen og reduserer dermed risikoen for å utvikle kreft i skjoldbruskkjertelen.
I denne artikkelen har vi samla dei mest stilte spørsmåla om bruk av jodtablettar ved ei atomulykke.
Kva vil du vite meir om?
Det er spesielt viktig at barn og unge under 18 år, gravide og ammande tek jodtablettar dersom det skjer eit atomuhell. Dei har størst risiko for å få kreft i skjoldbruskkjertelen om dei blir utsette for radioaktiv jod.
Du skal ikkje ta jodtablettar førebyggande. Du skal berre ta jodtablettar etter råd frå styresmaktene. Dersom det skjer ei atomulykke, vil du få informasjon om kva du skal gjere gjennom media, relevante styresmakter og www.dsa.no.
Styresmaktene rår vaksne mellom 18 og 40 år til å kjøpe jodtablettar på apoteket for å ha heime til heilt spesielle tilfelle. Du blir i så fall varsla.
Nei. Føremålet er å ha tablettane i beredskap på skule / i barnehage / på institusjon.
Ja. Du skal få i deg store mengder kosttilskot med jod for at det skal ha same effekt som jodtablettar.
Det finst ikkje noko intravenøst alternativ til jodtablettar. Nokre barn eller vaksne som ikkje har tilstrekkeleg opptak av næring frå tarmen, kan likevel ta opp noko jod. Det kan vere eit alternativ å ta jodtablettar, men ein slik bruk må vere avtalt med legen som kjenner barnet eller ungdomen (eller den vaksne) på førehand.
