Du har en nettleser som vi ikke støtter. Les om godkjente OS/nettleserversjoner

Hopp til hovedmeny Hopp til innholdet

Habiliteren ja veajuiduhttin

Habiliterema ja veajuiduhttima bálvalusat galget váikkuhit dasa ahte pasieanta ja geavaheaddji sáhttet lášmmodahttit ja bisuhit máhtestuvvama gálggaid ja dáidduid. Ulbmil lea sáhttit eallit eanemus lági mielde iešheanalaččat iežas eavttuid ja sávaldagaid vuođul.

Bálvalusat galget leat ulbmillaččat ja plánejuvvon

​Bálvalusat, maid pasieanta ja geavaheaddji dárbbašeaba sihke spesialistadearvvašvuođabálvalusas ja gielddain, galget ovttasbargat. Habiliteren- ja veajuiduhttinfálaldat galgá leat ovttastahtton, fágaidrasttildeaddji ja plánejuvvon, ja pasieantta ja geavaheaddji mielváikkuheapmi ja dadjamuš lea dehálaš.

Sihke gielddaid ja spesialistadearvvašvuođabálvalusa bálvalusat

Sihke gielddat ja spesialistadearvvašvuođabálvalus fállet habiliteren- ja veajuiduhttinfálaldagaid. Gielddain lea čuovvoleami ollislaš ovddasvástádus ja galget sáddet du spesialistadearvvašvuođabálvalussii go lea dárbu fálaldahkii mii lea eanet spesialiserejuvvon go dat maid gielda fállá.

Gielddaid ja spesialistadearvvašvuođabálvalusa ovddasvástádusa ja bargguid čielggadeapmi (helsedirektoratet.no)

Sidjiide, geat dárbbašit bistevaš ja koordinerejuvvon bálvalusaid, galgá fállat individuála plána ja koordináhtora. Go sihke gielddas ja spesialistadearvvašvuođabálvalusas leat bálvalusat, de lea gielddas váldoovddasvástádus dása. Spesialistadearvvašvuođabálvalus galgá searvat plánabargui. Habiliterema ja veajuiduhttima koordinerejeaddji ovttadagain (helsedirektoratet.no) galgá váldit oktavuođa dán birra, ja das lea váldoovddasvástádus.

Fálaldat gielddain ja spesialistadearvvašvuođabálvalusas

Habiliteren- ja veajuiduhttinfálaldat leat ordnejuvvon iešguđet láhkai sihke spesialistadearvvašvuođabálvalusas ja gielddas.

Loga eanet fálaldaga birra helsedirektoratet.no:s:

Habiliterema ja veajuiduhttima koordinerejeaddji ovttadat

​Gielddain galgá leat koordinerejeaddji ovttadat (helsedirektoratet.no) mii galgá fuolahit ahte bálvalusat ovttaskas olbmuid adnojit oktan. Koordinerejeaddji ovttadat galgá fuolahit ahte bálvalusaddit (dikšut) ovttasbarget ja láhčet dili dasa ahte bálvalusvuostáiváldái (pasientii) addo mielváikkuheapmi go pláne ja organisere habiliteren- ja veajuiduhttinbálvalusaid maid pasieanta galgá oažžut.

Habiliterema ja veajuiduhttima oktavuohta

Habiliterema ja veajuiduhttima erohusat (helsedirektoratet.no) lea vuosttažettiin ulbmiljoavkkuid earáláganvuođat. Geavaheaddjit ja pasieanttat geat dárbbašit habiliterema, leat mánát, nuorat ja ollesolbmot geat leat riegádan hedjonan doaibmanávccaiguin dahje áigá ožžon daid. Veajuiduhttin lea diliide maid lea ožžon maŋŋelis eallimis. Habiliteremis lea sáhka oahppat ođđa gálggaid, ja veajuiduhttimis lea sáhka oažžut fas massán gálggaid.

Váldoprinsihpat leat oktasaččat sihke habiliteremis ja veajuiduhttimis (helsedirektoratet.no). Bealit mat erenoamážit gusket habiliteremii, leat čilgejuvvon bagadusas spesialistadearvvašvuođabálvalusa kapihttalis ja gieldadearvvašvuođabálvalusa kapihttalis.

Oktasaš goappašiid ulbmiljoavkkuide lea dárbu govda fágalaš lahkonemiide, namalassii medisiinnalaš, fysikálalaš, áiccolaš, kognitiiva, sosiála ja psykososiála. Geardduheaddji proseassaid dárbu olles dahje eanaš oasi eallimis sáhttá gustot goappašiid ulbmiljoavkkuid, muhto dán oaidná erenoamáš bures habiliteremis.