Du har en nettleser som vi ikke støtter. Les om godkjente OS/nettleserversjoner

Hopp til hovedmeny Hopp til innholdet

Sáddejumi árvvoštallan

Go doavttir lea sádden du spesialistadearvvašvuođabálvalusa buohccivissui dahje dikšunásahussii, de doppe árvvoštallet lea go dus riekti oažžut divššu dahje guorahallama.

Árvvoštallama galgá dahkat 10 bargobeaivvi siste (fápmuiboahtá skábmamánu 1.b. 2015). Jus vihkot duođalaš dávdda, de galgá konklušuvdna boahtit jođáneappot.

Du fástadoavttir sáhttá sáddet sáddejumi njuolga du sávvan dikšunbáikái, dahje addit dutnje sáddejumi vai ieš beasat sáddet dan. Eará dikšut nugo psykologat, manueallaterapevttat ja kiropráktorat sáhttet sáddet spesialistta lusa iežaset fágasurggiin.

Dikšunbáikkit mat sáhttet árvvoštallat sáddejumiid

Sáddejumi ferte sáddet dikšunbáikái mas lea lohpi árvvoštallat lea go dus riekti dearvvašvuođaveahkkái. Buot almmolaš ja muhtun priváhta dikšunbáikkiin lea dakkár lohpi. Sáddejumi vástádusa vuođđun lea spesialistta medisiinnalaš árvvoštallan.

Velg behandlingssted-neahttasiiddus sáhtát russet "Vis bare behandlingssteder som kan tildele rett til helsehjelp."

Sáhtát maiddái oaidnit sáhttá go dikšunbáiki addit rievtti dearvvašvuođaveahkkái diehtoleavgga "Om behandlingsstedet" vuolde.

Behandlingsstedet kan tildele rett til helsehjelp mearkkaša ahte don sáhtát vaikko goas iežat mannolagas válljet dán báikki. Du sáddejumi sáhttet sáddet dohko árvvoštallat lea go dus riekti dearvvašvuođaveahkkái ja áigemearrái. Jus don leat jo ožžon rievtti iskkadeapmái dahje dikšui, de sáhtát maiddái válljet lonuhit dán dikšunbáikái.

Behandlingsstedet kan ikke tildele rett til helsehjelp mearkkaša ahte dikšunbáiki, mii sáhttá addit rievtti dárbbašlaš dearvvašvuođaveahkkái ja áigemearrái, ferte vuos árvvoštallat sáddejumi.

Don sáhtát ieš válljet gosa du sáddejumi galget sáddet oažžut dakkár árvvoštallama, ja don oainnát main báikkiin lea lohpi addit rievtti dearvvašvuođaveahkkái, go russet boksii listtu bajábeallái nugo čájehuvvon badjelis. Go dutnje lea addon riekti dearvvašvuođaveahkkái, de sáhtát válljet dán báikki.

Dearvvašvuođaveahki riekti

​Jus leat ožžon reivve das ahte don leat ožžon rievtti dárbbašlaš dearvvašvuođaveahkkái, de sáhtát válljet vaikko man dikšunbáikki bajilgovas.

Ođđa árvvoštallama riekti

​Jus leat ožžon reivve das ahte dus ii leat riekti dearvvašvuođaveahkkái, de sáhtát oažžut iežat dearvvašvuođadili árvvoštallojuvvot ođđasit eará dikšunbáikkis. Váldde oktavuođa iežat fástadoaktáriin, gii sáhttá sáddet ođđa sáddejumi. Don sáhtát ieš válljet gosa dan galgá sáddet.

Dikšunbáikki lonuhit

Jus háliidat eará dikšunbáikki go dan gos leat árvvoštallan du sáddejumi, de válddát oktavuođa báikkiin gos leat vuordinlisttus, ja bivddát sáddet sáddejumi du sávvan dikšunbáikái.

Hála iežat fástadoaktáriin dahje riŋge 800 HELSE (800 43 573) jus háliidat bagadallama dahje rávvagiid lonuhit dikšunbáikki.

Røntgen ja eará govvadiagnostihkka

​Røntgeniskkadeami ja eará govvadiagnostihka oktavuođas ii leat dearvvašvuođaveahki rievtti árvvoštallan áigeguovdil. Du dikšu sádde rekvisišuvnna, ja dikšunbáiki dahká iskkadeami almmá árvvoštalakeahttá rievtti dahje attekeahttá áigemeari.

Bárdnanbáikki ohcan

​Jortamovrra/fástadoaktára ovddasvástádus dat lea ohcat bárdnanbáikki. Fástadoavttir dahje jortamovra ohcá bárdnansaji dan bárdnanásahusas gos áhpehis nisu háliida bárdnat. Sáhtát maiddái ieš ohcat bárdnansaji, erenoamážit jus háliidit bárdnat litnaovttadagas nugo ABC/Storken js., dahje jus háliidat bárdnat buohcciviesus gos leat olu bárdnamat ja danne fertet ohcat árrat, nugo OUS Rikshospitalet. Jus áiggut ohcat bárdnansaji, de sáhtát sáddet ohcamuša njuolga du sávvan bárdnanbáikái.