Guorahallama ja divššu vuordináiggit

Iešguđetlágan divššuin sáhttet leat erohusat vuordináiggiin Dás oaččut don dieđuid man guhkes vuordináiggiid ferte rehkenastit go galggat válljet dikšunbáikki.

Man guhkes vuordináigi lea oažžut divššu lea sorjavaš das gos galggat oažžut divššu ja guđelágan dikšui leat čujuhuvvon. Vállje dikšunbáikkis gávnnat don olu iskkademiid ja divššuid vuordináiggiid mat gusket:

  • fysalaš dearvvašvuhtii
  • psyhkalaš dearvvašvuhtii
  • gárrenvuođaváttisvuođaide
  • veajuidahttimii
  • ođđasitveajuidahttimii

Dáid dearvvašvuođasurggiin fertet rehkenastit iešguđetlágan vuordináiggiid.

Vuordináigi lea individuála

Vuordináigi ii čuožžu juohke dikšunbáikkis lea dat guhkimus maid ferte rehkenastit vuordit ovdalgo beasat dikšunbáikái. Vuordináiggit leat árvvoštallon vuordináiggit eaige čájet juste man guhká fertet vuordit.

Vuordináiggiid čilgehus

  • Jus dárbbašat guorahallama dahje divššu fysalaš dávddaide, de sáhttá leat dárbu geahčadit golmmalágan vuordináiggi.

    • Guorahallan:Vuordináigi dan rájes go dikšunbáiki oažžu čujuheami dassážii go pasieanta beassá boahtit guorahallamii. Dása gullá maiddái iskkadeapmi.
    • Beaivedikšu: Vuordináigi dassážii go pasieanta beassá dikšui. Dása gullá buot mii ii leat sisačáliheapmi, maiddái poliklinihkalaš dikšu.
    • Sisačáliheapmi: vuordináigi dassážii go pasieanta beassá dikšui.

    Dát guoská pasieanttaide geat galget idjadit. Jus sisačáliheami vuordináigi ii leat almmuhuvvon, de sáhttá medisiinnalaš sivaid geažil almmatge sisačáliheapmi leat áigeguovdil.

  • Jus dárbbašat psyhkalaš dearvvašvuođa guorahallama dahje divššu, mii lea sorjavaš guđelágan divššu don vuorddát, de sáhttet leat golmmalágan vuordináiggi.

    • Poliklinihkalaš guorahallan/dikšu: Vuordináigi dan rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.
    • Poliklinihkalaš joavkodikšu: Vuordináigi dan rájes go dikšunbáiki oažžu čujuhusa dassážii go pasieanta beassá álgit jovkui.
    • Sisačáliheapmi: Vuordináigi dan rájes go sisačáliheapmi lea áigeguovdil dassážii go pasieanta oažžu jándorsaji.

  • ​Jus dárbbašat  guorahallama dahje divššu gárrenvuođaváttuide, de sáhttet leat golmmalágan vuordináiggit.

    • Poliklinihkalaš guorahallan/dikšu: Vuordináigi dan rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.
    • Čielgan: Vuordináigi dan rájes go dikšunbáiki oažžu čujuhusa dassážii go pasieanta beassá boahtit čielgamii.
    • Sisačáliheapmi: Vuordináigái dan rájes go dikšobáiki oažžu čujuhusa dassážii go pasieanta sisačálihuvvo.
    • Poliklinihkalaš guorahallan ja dikšu: Vuordináigi dan rájes go dikšunbáiki oažžu čujuhusa dassážii go pasieanta beassá boahtit poliklinihkalaš guorahallamii dahje dikšui.
    • Joavkofálaldat mas lea individuálalaš čuovvoleapmi: Vuordináigi dan rájes go dikšobáiki oažžu čujuhusa dassážii go pasieanta beassá álgit joavkofálaldahkii mas lea individuála čuovvoleapmi.
    • Poliklinihkalaš guorahallan, dikšu, bagadallan: Vuordináigi dan rájes go dikšunbáiki oažžu čujuhusa dassážii go pasieanta beassá boahtit guorahallamii, dikšui dahje bagadallamii.
    • Beaive/poliklinihkka, individuálalaš fálaldat: Vuordináigi das rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.
    • Sisačáliheapmi, individuálalaš fálaldat: Vuordináigi dan rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.
    • Beaive/poliklinihkka, Joavkovuđot fálaldat: Vuordináigi dan rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.
    • Sisačáliheapmi, joavkofálaldat: Vuordináigi das rájes go dikšunbáiki oažžu čujuhusa dassážii go pasieanta beassá boahtit guorahallamii dahje dikšui.

Sisdoalu lea almmuhan Helsedirektoratet

Helsedirektoratet. Guorahallama ja divššu vuordináiggit. [Interneahtta]. Oslo: Dearvvašvuođadirektoráhta; ođasmahtton 2020 skábmamánnu 4, gaskavahkku [vižžon 2024 cuoŋománnu 19, bearjadat]. Oažžumis dáppe: https://www.helsenorge.no/se/velg-behandlingssted/guorahallama-ja-divssu-vuordinaiggit/

Maŋimusat ođastuvvon 2020 skábmamánnu 4, gaskavahkku