Du har en nettleser som vi ikke støtter. Les om godkjente OS/nettleserversjoner

Hopp til hovedmeny Hopp til innholdet

Dikšunbáikki válljen go lea borasdávda

Dus lea riekti válljet buohcciviesu sihke dalle go sáddejuvvot dohko go vihkot borasdávdda, ja go dus leat duođaštan borasdávdda.

Borasdávdda páhkkamannolat

Páhkkamannolagain lea definerejuvvon man galle beaivvi dihto oasit guorahallamis berrejit ádjánit dassái borasdávdda vihkun hilgojuvvo dahje duođaštuvvo, ja dassái go vejolaš dikšu álgá.

Páhkkamannolaga áiggit leat ávžžuhusat. Pasieanttaid, mat sáddejuvvojit borasdávdda páhkkamannolahkii, galgá maiddái árvvoštallat vuoigatvuođaid ektui, ja sii galget oažžut juridihkalaš čadni áigemeari goas dearvvašvuođaveahkki maŋimustá galgá álgit.

Buot buohcciviesuin, mat guorahallet ja dikšot borasdávdda, lea mannolatkoordináhtor. Eanet dieđut ja gulahallandieđut dáidda leat ovttaskas dearvvašvuođafitnodaga ruovttusiidduin.

Vuordináiggit

Ii oidno vuos bajilgovva buohcciviesuid borasdávdadikšumiin, it ge sáhte buohtastahttit vuordináiggiid helsenorge.no/velg-behandlingssted-siiddus.

Jus háliidat eanet dieđuid dikšunbáikki válljema birra go lea borasdávda, de sáhtát riŋget 800 HELSE (800 43 573) oažžut rávvagiid ja bagadallama.

Kvalitehta

Leat ráhkaduvvon máŋggat nationála kvalitehtaindikáhtorat iešguđet borasdávddaid dikšumii ja birgehallamii.

Dás oainnát earret eará indikáhtoriid mat mihtidit man muddui buohcciviesut čuvvot ávžžuhusaid mat leat definerejuvvon páhkkamannolagain. Eanet dákkár indikáhtorat almmuhuvvojit dađistaga.

Nationála kvalitehtaindikáhtorat sáhttet muitalit dearvvašvuođabálvalusaid kvalitehta birra, muhto kvalitehtaindikáhtoriid dulkon sáhttá leat mohkkái. Loga eanet das mo dulkot bohtosiid.