Du har en nettleser som vi ikke støtter. Les om godkjente OS/nettleserversjoner

Hopp til hovedmeny Hopp til innholdet

Buoret pasieantamannolat borasdávdapasieanttaide

Borasdávdda páhkkamannolat galgá addit pasieanttaide oadjebasvuođa ja einnostahttivuođa borasdávdda vihkuma oktavuođas. 28 páhkkamannolaga leat dál ásahuvvon dearvvašvuođabálvalussii.

Buoret pasieantamannolat borasdávdapasieanttaide
Foto: iStockphoto

​Borasdávdda páhkkamannolat addá einnostahttivuođa ja oadjebasvuođa pasieanttaide ja oapmahaččaide.

Páhkkamannolagaid ulbmilin lea ahte borasdávdapasieanttat galget vásihit bures organiserejuvvon, ollislaš ja einnostahtti mannolaga dárbbašmeahttun ii-medisiinnalaš maŋŋonemiid haga guorahallamis, diagnostihkas, divššus ja veajuiduhttimis. Deattuhuvvo sakka dat ahte pasieanttaide galgá sihkkarastit dieđuid ja geavaheaddjimielváikkuheami.

Mannolatkoordináhtor

​Buot buohcciviesuin, mat guorahallet ja dikšot borasdávdda, galgá leat mannolatkoordináhtor mii galgá sihkkarastit oktilaš doaimmaid olles mannolagas. Pasieanta oažžu telefonnummara masa sáhttá riŋget oažžut dieđuid ja jearrat gažaldagaid iežas mannolaga birra.

Buorit bohtosat dássážii

Dearvvašvuođabálvalus lea dahkan stuorra barggu ja jođánit geavahišgoahtán njeallje álgopáhkkamannolaga geahpes-, čižže-, ovdaráksá- ja gassačoalle- ja bahtačoalleborasdávddaid várás mat implementerejuvvojedje dearvvašvuođabálvalussii ođđajagimánu 1.b. 2015.

Ulbmil lea ahte 70 proseantta dáin borasdávdahámiid páhkkamannolagain čađahuvvojit ávžžuhuvvon áiggi siste, ja ahte 70 proseantta ođđa pasieanttain fátmmastuvvojit Borasdávdda páhkkamannolahkii.

Gaskaboddosaš bohtosat čájehit ahte guorahallama ja divššu ávžžuhuvvon áiggit leat olahuvvon dán njealji borasdávdahámi várás, muhto ođđa borasdávdapasieanttaid lohku mat leat fátmmastuvvon Borasdávdda páhkkamannolahkii lea unnit go vurdojuvvon. Bohtosat sáhttet rievddadit veahá dál go buot 28 páhkkamannolaga leat implementerejuvvon.

Olámuttu dieđut

Dearvvašvuođadirektoráhtta lea ráhkadan dieđuid pasieanttaide, dearvvašvuođabargiide ja fástadoaktáriidda.

Leat ráhkaduvvon sierra diagnosabagadusat fástadoaktáriid várás mas leat čilgen mat symptomat ja gávdnosat geažuhit sáddejumi Borasdávdda páhkkamannolahkii. Muhtun mannolagain čilgejuvvo maid iskkademiid vejolaččat galgá dahkat ovdalgo sádde pasieantta spesialistadearvvašvuođabálvalusa páhkkamannolahkii.

Dieđut páhkkamannolagaid birra