Gut rávvi dålkåv
Varresvuodadievnastusá åvdåsvásstádus la rávvit tjiehpes dålkåv.
Ihkap la gássjel diehtet jus la dárbbo dålkås. Varresvuodabargge ienemusát
ietja árvustalli jus la dárbbo dålkås. Dån aj iesj máhtá diededit jus la dárbbo
dålkås, buojkulvis gå diŋŋgu tijmav. Dån aj máhtá riŋŋgut
varresvuodadievnastussaj ja rávvit dålkåv ietjat giellaj.
Buorre alternatijvva l muhttijn jus dålkkå l dannák sjerma- jali telefåvnå baktu.
Dålkkåláhka javllá: almulasj orgánajn la vælggogisvuohta åttjudit tjiehpes
dålkåjt.
Gut máhttá dålkkut
Dålkån galggá formálalasj máhtudahka.
Máná e galga liehket dålkkån. Ietjá lagámusá jali nágin gænna ij la
dålkkåmáhtudahka e ga biejaduvvat galga tjiehpes dålkå sadjáj.
Majt viertti iesj gæhttjalit gå dárbaha dålkåv?
Ájnas la subtsastit varresvuodadievnastussaj jur makkár gielav ságasta.
Gå la rávvim dålkåv ságastallamij, de la ájnas boahtet dan mierredum ájggáj.
Jus i máhte boahtet mierredum ájggáj, de viertti buodáv vaddet 24 tijma
åvddåla. Jus i, de huoman hæhttu mákset. Dav la sierraláhkáj ájnas mujttet gå
dålkåv la rávvim.
Mij la dålkkå ja mij la dålkå barggo?
Dålkån la vælggogisvuohta ja ij galga giehttot iehtjádijda dav mij javladuvvá
dålkkumis.
Dålkkå galggá jur jårggålit dav mij javladuvvá, ij vaddet rádijt jali buktet ietjas
vuojnojt. Dålkkå galggá liehket bieledibme ja ij bælostit avtak.
Pasiænntan dån gullu varresvuodabarggijda. Divna gatjálvisá galggi danen
varresvuodabarggijda, e dålkkåj.
Gut máksá dålkåv?
Dån gut la varresvuoda pasiænnta i dárbaha mákset dålkåv. Ietján jus galga
bádnedåktårij ja iesj viertti mákset dálkudimes. De viertti aj dålkåv mákset.
Dån máhtá gujddit
Jus i dålkåv oattjo, juska iesj miejnni dárbbo l, de máhtá gujddit dan
institusjåvnnåj gånnå la pasiænnta. Dån aj máhtá gujddit stáhtaháldadussaj
ietjat fylkan, Pasient- og brukerombudet jali Likestillings- og diskrimineringsombudet.
Jus illa dudálasj dålkåjn, de máhtá gujddit dan institusjåvnnåj gånnå la
pasiænnta.