Sjeldne diagnosar som gjev rett til tannbehandling
Har du ein diagnose som står på lista, kan du ha rett til stønad til tannbehandling.
Tannlegen må ha avtale med Helfo
For at du skal få stønad, må tannlegen ha avtale om direkte oppgjer med Helfo.
Pasientbetaling du må dekke sjølv
Ettersom stønadsordninga ikkje dekker alle utgiftene, må du betale ein del av behandlinga sjølv.
Denne eigenbetalinga tel ikkje med i oppteninga til frikort for helsetenester.
Definisjonane på sjeldne medisinske tilstander som kan gje rett til stønad
Med sjeldne medisinske tilstandar siktar ein til enkeltdiagnosar som finst i talet på opp til 1:10 000 individ eller totalt ca. 500 personar i Noreg. Den sjeldne medisinske tilstanden din må vere medfødd og varig. SMT-lista over sjeldne medisinske tilstandar er delte i ein A- og ei B-liste:
- A-lista: Viss du har ein diagnose som står på A-lista, har du krav på stønad til nødvendig tannbehandling. Dette gjeld ikkje ved behov for kjeveortopedisk behandling. Det er eigne reglar for stønad til slik behandling.
- B-lista: Har du ein diagnose som er oppført på B-lista, er det eit vilkår at den sjeldne medisinske tilstanden eller behandlinga av tilstanden har ført til at du har auka behov for tannbehandling. Det er tannlegen som må ta stilling til om vilkåra for stønad er oppfylte i ditt tilfelle.
Spørsmål og meir informasjon
Les meir om tann- og munnhelse ved sjeldne diagnosar hos TAKO-senteret - Nasjonalt kompetansesenter for oral helse ved sjeldne diagnosar, ved Lovisenberg Diakonale Sykehus.
Hvem betaler tannlegeregningen?
Barn får gratis tannbehandling i den offentlige tannhelsetjenesten. Voksne må i utgangspunktet betale selv, men det finnes mange unntak.
Illustrasjon: Morten Rakke / Helfo