Kva er kvardagsteknologi?
Det er viktig å skilje mellom synshjelpemiddel og kvardagsteknologi.
Kvardagsteknologi er vanlege digitale produkt som mobil, PC og nettbrett. Dette er produkt du må kjøpe sjølv.
Telefonar, nettbrett, Mac og PC kan du tilpasse slik at du kan bruke dei sjølv om du er svaksynt eller blind. Du kan til dømes:
• auke skriftstorleik og bevisst forstørre opp det du ønskjer å sjå på skjermen
• velje kontrastfargar som gjer det lettare for deg å sjå
• bruke skjermlesarar, som VoiceOver eller Talkback
• få hjelp av digitale assistentar, som Siri eller Google Assistent
Det finst også mange appar som er interessante å bruke viss du er svaksynt eller blind. Les meir om appane for svaksynte og blinde, på kunnskapsbanken.net.
Synshjelpemiddel er hjelpemiddel du kan søkje om frå NAV Hjelpemiddelsentral.
Synshjelpemidler
Hvis du er svaksynt eller blind, kan du få låne hjelpemidler slik at hverdagen din blir tryggere og bedre.
Opplæring i kvardagsteknologi
Mange kommunar gir opplæring i bruk av kvardagsteknologi. Opplæringa får du av vaksenopplæringa eller av helsetenestene i kommunen. Norges blindeforbund har også kompetanse om korleis kvardagsteknologi kan bli brukt på ein god måte.