Mo gieđain bohččit?
Galget liegga ráinnas gieđat ja ráinnas lihtti gosa mielkki čoakkát. Mielkeboktinrefleaksa bovttát go don várrogasat ruvvet čičči, ja čižžeoaivvi jorahat suorpmaid gaskkas. Go mielki goaikugoahtá, doala areola (dákko gokko lea ruškat) olggut ravddas bealggi ja čuvddi gaskkas. Deaddil álggos suorpmaiguin sisa guvlui ratti vuostá, čárves dasto oktii. Luoitte ja gearddut lihkastaga rytmmalaččat nu guhká go boahtá mielki. Suorpmaiguin ii galgga ruvvet liiki, muhto dollojuvvot dássedit ovtta sajis. Dasto sáhtát sirdit suorpmaid areola birra vai olles čižži guorrana.
Hušša, bákčasat ja leabohisvuohta sáhttá váikkuhit dasa ahte dus boahtá unnit mielki go dus láve. Sáhttá leat veahkkin dat ahte mánná lea du láhka dahje ahte lea govva jus doai eahppi leat seamma sajis.
Mo galggan bumpet?
Gieđat ja bumpenrusttegat galget leat ráidnasat. Mielkeboktinrefleaksa bovttát go don várrogasat ruvvet čičči ja čižžeoaivvi jorahat suorpmaid gaskkas. Muhtin bumppain lea sierra álginprográmma mii stimulere vai ahte mielki boahtigoahtá.
Go mielki goaikugoahtá, bijat don reavtta čižžái. Reavttas ferte leat rivttes sturrodat vai heive čižžái ja lea vuogas. Čižžeoaivvi stellet gásku reavtta vai ii gessojuvvo sisa guvlui botnjut. Sáhttá raššudit čičči jus biddjojuvvo boastut.
Hušša, bákčasat ja leabohisvuohta sáhttá váikkuhit dasa ahte dus boahtá unnit mielki go dus láve. Sáhttá leat veahkkin ahte mánná lea du lahka dahje ahte lea govva mánás jus doai eahppi leat seamma sajis.
Oallugiin lea eanet mielki go dan maid nagodit bumpet olggos. Mánná gurre dávjá čičči buorebut go bumpa.