Sihke njamahit ja čižžemielkebuhtadusa addit - manin?
Čižžemielki lea buorre du mánnái, vaikko ii oaččo eará go veaháš. Danin lea buorre jus sihke njamahat ja attát čižžemielkebuhtadusa. Leat muhtun sisdoalloávdnasat čižžemielkkis mat eai leat čižžemielkebuhtadusas. Dát ávdnasat sáhttet lea buorit máná dearvvašvuhtii, sihke dál ja maŋŋel eallimis. Ávdnasat suddjejit máná infekšuvnnaid vuostá ja ovdánahttet ja láddadit máná vuostálastinnávccaid dávddaid vuostá ja nearvavuogádaga.
Go sihke njamaha ja addá čižžemielkebuhtadusa de dat addá dehálaš dearvvašvuođaovdamuniid dutnje ge, nugo mat unnit riska oažžut čižžeborasdávdda. Mánáide geat iešguđetge sivaid geažil eai sahte oažžut čižžemielkki, lea či žžemielkebuhtadus buorre molssaeaktu mii dagaha ahte mánná stuorru ja ovdána áibbas lunddolaččat.
Sihke njamahit ja čižžemielkebuhtadusa addit – doalahit mielkeráhkadeami
Vai doalahit mielkeráhkadeami, de berret njamahit máná ovdal go attát čižžemielkebuhtadusa. Juoge čižžemielkebuhtadusa meari maid mánná galgá oažžut jándoris máŋgga njamaheapmái. Go leat dávjjit borranáiggit ja attát unnit meriid buhtadusa ain hávális, de šattat dávjjit njamahit. Lea buoret du mielkeráhkadeapmái go stuora meriid čižžemielkebuhtadusa it atte nu dávjá.
Divtte máná njammat goappaš čiččiid juohke háve go njamahat. Molsso nuppi čižžái jus mánná álgá gisaidit go nuppi čičči lea ožžon.
Deaddit čiččiid go njamahat sáhttá leat ávkin dasa ahte mánná oažžu eanet čižžemielkki hávális. Don sáhtát maid atnit veahkkečičči veahkkeneavvun go galggat addit čižžemielkebuhtadusa. Dalle don seammás arvvosmahtát čičči.