Dieđit hui duođalaš dáhpáhusaid dearvvašvuođabálvalusas

Pasieantan, geavaheaddjin dahje lagas oapmahažžan lea dus vuoigatvuohta dieđihit jápmimis dahje hui duođalaš roasmmehuvvamis dáhpáhusaid maŋŋá dearvvašvuođabálvalusas.

  •  Makkár dáhpáhusaid sáhtát dieđihit? 
  • Geasa sáhtát dieđihit? 
  • Mo dieđihat? 
  • Mii dáhpáhuvvá go Norgga Dearvvašvuođaeiseváldi oažžu dieđu? 
  • Mii dáhpáhuvvá go Ukom oažžu dieđu? 

 Makkár dáhpáhusaid sáhtát dieđihit? 

Sáhtát dieđihit pasieanta dahje geavaheaddji jápmima dahje hui duođalaš lápmašuvvama/bártti birra, go

  • dáhpáhus dáhpáhuvai dearvvašvuođa- ja fuolahusbálvalusas, dahje go           pasieanta dahje geavaheaddji roasmmohuhtii nuppi
  • dáhpáhus dáhpáhuvai vuorddekeahttá
  • dáhpáhus dáhpáhuvai maŋŋel suoidnemánu 1. beaivvi 2019 

Buot eavttut fertejit devdojuvvot vai sáhttá dieđihit hui duođalaš dáhpáhusa. 

Geasa sáhtát dieđihit? 

 Diehtu jápmimis dahje hui duođalaš roasmmehuvvamis sáddejuvvo čujuhussii

  • Norgga dearvvašvuođadoaimmahat (Stáhta dearvvašvuođadoaimmahat)  ja/dahje
  • Ukom (Dearvvašvuođa- ja fuolahusbálvalusa stáhta dutkankommišuvdna) 

Jus vásihat eará meattáhusaid dahje boasttuvuođaid dearvvašvuođa- ja fuolahusbálvalusas, de sáhtát dieđihit  

  • sidjiide geat leat addán dearvvašvuođa- ja fuolahusbálvalusa
  • dahje stáhta hálddašeaddjái dán skovi bokte 

Eanet dieđuid oaččut čujuhusas Váidinvuoigatvuohta - Helsenorge.Sáhtát váldit oktavuođa pasieanta- ja geavaheaddjiovddasteaddjin vai oaččut veahki ja rávvagiid jus leat eahpesihkkar. 

Gii sáhttá dieđihit duođalaš dáhpáhusaid?

  • Pasieanta, geavaheaddji dahje lagas oapmahaš sáhttá dieđihit Norgga dearvvašvuođaeiseváldái ja Ukom:ii duođalaš dáhpáhusaid birra mat leat dáhpáhuvvan dearvvašvuođa- ja fuolahusbálvalusas. 

    Lagamus oapmahaš lea olmmoš gean pasieanta dahje geavaheaddji ieš lea válljen lagamus oapmahažžan. 

    Jus pasieanta dahje geavaheaddji ii nagot muitalit gii su lagamus oapmahaš lea dahje ii leat addojuvvon eanet diehtu, de galgá go jerrojuvvo gii lea lagas oapmahaš, leat vuolggasadji pasieanta- ja geavaheaddjivuoigatvuođalága spesifiserejuvvon olbmuid ortnet. 

    Jos it leat divššohasa dahje geavaheaddji lagas oapmahaš sáhtát goitge váldit oktavuođa stáhtahálddašeaddjin. Sáhtát maid dieđihit iežat fuola Ukom:ii. 

Mo dieđihat? 

Sáhtát dieđihit hui duođalaš dáhpáhusaid dán skoviin vuolábealde: 

Dieđiheapmi hui duođalaš dáhpáhusaid skovvi

Dieđihanskovvi gáibida ahte dus lea ollislaš beassan Helsenorg:ii. Vuolábealde "Mo don háliidat geavahit Helsenorge?" Persovdnadieđuid njuolggadusain sáhtát oaidnit makkár mieđihemiid leat addán, dahje rievdadit mieđiheami. 

Jus it sáhte dieđihit skovi bokte? 

Jus it sáhte dieđihit skovi bokte, de sáhtát 

  • čuojahit  Norgga Dearvvašvuođadoaimmahahkii telefovdnii 21 52 99 00, dahje 
  • váldde oktavuođa Ukom:in šleađgapoastta dahje geahča Ukom.no bokte

Persovdnadieđuid gieđahallan 

Dieđut maid čálát dieđihanskovvái gieđahallojuvvojit sihkkaris vugiin ja persovdnadiehtolága mielde. Loga eanet diehtosuodjalanbargi oppalaš geavahannjuolggadusaid ja oktavuođadieđuid birra Helsenorge geavahannjuolggadusain. 

Mii dáhpáhuvvá go Norgga Dearvvašvuođaeiseváldi oažžu dieđu? 

Norgga Dearvvašvuođaeiseváldi dutká ášši, ja váldá oktavuođa duinna jus lea dárbu. Don oaččut reivve mas leat dieđut Norgga dearvvašvuođadoaimmahaga árvvoštallama birra golmma vahku siste. 

Mii dáhpáhuvvá go Ukom oažžu dieđu? 

Ukom árvvoštallá álggahit ášši dutkat diliid mat sáhttet uhkidit pasieantasihkarvuođa. Jus Ukom dárbbaša eanet dieđuid dahje guorahallagoahtá, de váldet duinna oktavuođa. 

Ávkkálaš leaŋkkat:

 

Dearvvašvuođa ja fuolahusdepartemeanta (lovdata.no)

Pasieanta- ja geavaheaddjevuoigatvuođaid láhka sisttisdoallá riektenjuolggadusaid vuoigatvuođaid birra mat pasieanttain ja geavaheddjiin leat dearvvašvuođa- ja fuolahusbálvalusaid guovdu.

Sisdoalu lea almmuhan Statens helsetilsyn

Statens helsetilsyn. Dieđit hui duođalaš dáhpáhusaid dearvvašvuođabálvalusas . [Interneahtta]. Oslo: Dearvvašvuođadirektoráhta; ođasmahtton 2023 čakčamánnu 5, maŋŋebárga [vižžon 2025 ođđajagemánnu 14, maŋŋebárga]. Oažžumis dáppe: https://www.helsenorge.no/se/rettigheter/varsel-om-alvorlige-hendelser-i-helse--og-omsorgstjenesten/

Maŋimusat ođastuvvon 2023 čakčamánnu 5, maŋŋebárga