Giftige plantedelar
Bær, men truleg også bark og blad frå geitved inneheld stoff som hovudsakleg har irriterande og avførande (lakserande) effekt.
Symptom ved forgifting med geitved
- svie i munn og svelg
- magesmerter
- kvalme
- oppkast og/eller diaré
Førstehjelp ved forgifting med geitved
- Fjern eventuelle planterestar frå munn.
- Gi litt drikke.
- Kontakt Giftinformasjonen dersom barnet ditt har ete meir enn fem bær frå geitved.
Skildring av geitved
Geitved er busker eller små trær som kan bli opptil 8 meter høge. Greinene er lysegrå, delvis motsette og har ei torn ytterst. Blomane er små, 4-tallige, gulgrøne på farge og 4 mm breie. Geitved får steinfrukt (bær) på 6 til 8 mm. Bæra er fyrst grøne, seinare svarte med grønt fruktkjøtt.
Illustrašuvdna: Giftinformasjonen