Muhtun dáhpáhusain sáhttá poliklinihkka gáibidit dan maid mii gohčodit pasieantamáksun, mii ii rehkenastojuvvo nuvttá koartta oažžumii.
Jus leat sisačálihuvvon buohccevissui, de it dárbbaš máksit iežasoasi dahje pasieantamávssu.
Iežasmáksin poliklinihkas
Jus dikšojuvvot poliklinihkas (vaikko it leat sisačálihuvvon), de fertet dábálaččat máksit iežasoasi
- Iskkadeapmi, dikšun dahje bearráigeahčču
- Røntgen- ja ultrajietnaiskkadeamit
- Atomamedisiinna govveniskkadeamit go it leat buohccevissui sisačálihuvvon
| Iežasoasit poliklinihkain | Máksomearri |
|---|---|
| Iskkadeapmi, dikšun, dárkkisteapmi poliklinihkas spesialisttas (Haddi guoská maiddái telefovdna- ja videokonsultašuvnnaide) | 403 kroner |
| Røntgen-, ultrajietna- dahje atomamedisiinna iskkadeapmi | 287 kroner |
Muhtun joavkkut eai dárbbaš máksit iežasoasi
Dát joavkkut eai obage dárbbaš máksit iežasoasi poliklinihkalaš dearvvašvuođabálvalusa ovddas:
- Mánát, nuorat ja nuorra rávisolbmot geat leat pasieanttan psykiátralaš dearvvašvuođabálvalusas dan kaleanddarjagi rádjái goas pasieanta deavdá 26 jagi
- Mánát, nuorat ja nuorra rávisolbmot geat ožžot fágaidgaskasaš spesialiserejuvvon dikšuma gárrenmirkkuid geavaheamis (TSB) dan kaleanddarjagi rádjái goas pasieanta deavdá 26 jagi.
- Vuollel 30-jahkásaš pasieanttat geat ožžot poliklinihkalaš dearvvašvuođaveahki gárrenmirko geavaheami geažil Psykiátralaš nuoraidjoavkkus (PUT).
Don fertet ieš gokčat iežasoasi/pasieantamávssu
Muhtun divššuid ovddas fertet ieš máksit olles dahje osiid.
Beroškeahttá lea go dus nuvttá koarta dahje it dárbbaš máksit iežasoasi.
| Pasieantamáksu/máksu buohcceviesus/poliklinihkas | Mákso-mearri |
| Golut hávvečanastagat/anestesiijas, eanemustá | 75 ruvnno |
| Almmáiolbmuid steriliseren | 1268 ruvnno |
| Nissonolbmuid steriliseren* | 6079 ruvnno |
| Bárdne-/gándamánáid rituála birračuohpaheapmi | 4000 ruvnno |
| Kirurgalaš implantáhta bidjan marginála parodontihtas | |
| - vuosttaš implantáhta | 6500 ruvnno |
| - juohke lassi implantáhta | 2550 ruvnno |
| * Lea pasieantamáksu go nissonolbmuid steriliseren dáhpáhuvvá almmá medisiinnalaš siva haga |
Máksu jus it boađe
Jus it boađe dan diibmui mii dutnje lea addojuvvon, ja it leat addán dieđu maŋimustá 24 diimmu ovdagihtii, de fertet máksit 1612 ruvnno divvaga.
Jus guoská poliklinihkalaš dearvvašvuohtafuolahusa psykiatriijas dahje gárrenávnnasgeavaheami dikšumis, de ii gáibiduvvo eanet go 403 ruvnno.
Dikšunguovddáš ii sáhte gáibidit mávssu jus it boađe sohppojuvvon video- dahje telefovdnakonsultašuvdnii.
Muitte dieđihit midjiide buori áiggis jus it sáhte boahtit diibmui.
Frikort og helsetjenester (mangler omsetting)
Jus dus lea nuvttá koarta dearvvašvuohtafuolahusa bálvalusaide, de it dárbbaš máksit iežasoasi.
Nuvttá koarta dearvvašvuođabálvalusaide sisttisdoallá dohkkehuvvon iežasoasi doaktára, psykologa ja poliklinihka dikšumii, rádiologalaš iskkadeapmái ja dikšumii, laboratoriaiskosiidda ja dálkasiidda ja biergasiidda alit reseapttas ja pasieantamátkkiide.
Muhtin pasieantajoavkkut eai dárbbaš máksit iežasoasi.
Dieđuid dán birra gávnnat artihkkalis «Frikort for helsetjenester».
Maŋiduvvon dikšun
Jus poliklinihkalaš dikšun maŋiduvvo eanet go ovttain diimmuin sohppojuvvon áiggi maŋŋá, ja don, pasieanta, it leat ožžon dieđu dan birra ovdal boahtima, de it dárbbaš máksit iežasoasi.
Dikšun priváhta buohcceviesuin
Dábálaččat stáhta ii govčča goluid priváhta dikšunbáikkiid divššus.
Sáhtát oažžut goluid gokčojuvvot divššus priváhta dikšunbáikkiin main lea šiehtadus almmolaš surggiin. Dás gustojit seamma njuolggadusat goluid gokčamii go almmolaš dikšunbáikkiide.
Vállje dikšunbáikki, doppe gávnnat oppalašgova buot dikšunbáikkiin maid sáhtát válljet Velg behandlingssted.