Ønsker du å søke digitalt?
Reiserekningsskjema på papir
Reiserekningsskjemaet kan du få hos behandlaren din, eller laste ned her:
Reiserekningsskjema
Bokmål | Nynorsk | Nordsamisk | For personar med nedsett syn
Rettleiing til reiserekningsskjema
Bokmål | Nynorsk | Nordsamisk | Engelsk
Hugs å legge ved eventuelle kvitteringar, billetter og annan nødvendig dokumentasjon.
Om du ønsker å reservere deg mot at søknaden blir delvis behandla eller heilt automatisk, må du skrive dette i fritekstfeltet til søknaden eller legge ved eit eige ark. Les meir i personvernerklæringa.
Du må sende inn skjemaet seinast seks månadar etter at du var til behandling.
Slik sender du
Send inn det signerte reiserekningsskjemaet via ei sikker meldingsteneste (du må logge inn via ID-porten når du trykker på lenka) eller send det i posten til denne adressa:
Pasientreiser HF
Postboks 2533 Kjørbekk
3702 Skien
Spesielle tilfelle
Nokre reiser kan du ikkje søke om digitalt, og må òg sendast til ei eiga postadresse eller via ei sikker meldingsteneste (du må logge inn via ID-porten når du trykker på lenka).
Det er fordi søknadane må behandlast utanfor saksbehandlingssystemet for pasientreiser. Det er reiser som gjeld
- organdonasjon
- tuberkulosekontroll
- fristbrot
- hemmeleg adresse
- barn i utsette familiesituasjonar
- søknad på vegner av ein død pasient
Dokumentasjonskrav
I nokre tilfelle må du som pasient ha med dokumentasjon frå behandlaren din når du søker om reisestøtte. Dette gjeld både om du søker digitalt eller på papirskjema.
Du må ha dokumentasjon frå behandlaren din, ved
- behov for følgesperson på grunn av helsa di
- behov for bruk av bil på grunn av helsa di
- reiser til akutt hjelp
- reiser til behandling av yrkesskade
Her finn du malen behandlaren din kan bruke for dokumentasjon og bekrefting på oppmøte (pdf).
Bekrefting på oppmøte
Du treng som hovudregel ikkje å legge ved bekrefting på oppmøte når du søker om pengar etter reise. Bekrefting på at du har vore til behandling blir henta av Pasientreiser frå eigne register, uavhengig av om du som pasient søker digitalt eller på papirskjema.
Du må likevel legge ved bekrefting på oppmøte om du
- er føresett og søker på vegner av barn mellom 12 og 18 år
- søker som følgesperson
- søker som nær pårørande
- søker om reiser til kurs og behandling som ikkje blir registrert i elektronisk pasientjournal
- har hemmeleg adresse (adressesperre 6 og 7 i folkeregisteret)
- søker om reiser som gjeld fristbrot og organdonasjon
Her finn du malen behandlaren din kan bruke for dokumentasjon og bekrefting på oppmøte (pdf).