Du må òg få ei utsegn frå regionalt helseføretak om at det eksisterande habiliteringstilbodet i Noreg er mangelfullt.

Du treng ikkje å skaffe ny utsegn frå legen kvar gang du søkjer.

• The Institutes for the Achievement for Human Potential (IAHP) i Philadelphia i USA i samband med trening etter Doman-metoden
• kurs i Kozijavkin-metoden i Ukraina
• ABR-tilbod (advanced bio-mechanical rehabilitation) i Europa
• FHC (The Familiy Hope Center – An International Center for the Development of Children) i Philadelphia i USA

Helfo kan òg dekkje reise- og opphaldsutgifter dersom IAHP-instituttet og FHC arrangerer kurs i Europa.

Helfo kan dekkje nødvendige utgifter til

• reise og opphald
• deltakaravgift
• kost etter kvittering (eller etter takstar dersom det ikkje er mogleg å dokumentere med kvittering)
• visum (ikkje pass / elektronisk pass)

Helfo kan dekkje utgifter for desse:

• Foreldre og barn.
• Søsken dersom det finst program eller tilbod for søsken på kursstaden.
• Følgjeperson, dersom det er behov for andre vaksne i tillegg til foreldre.
• Meir enn éin følgjeperson, når lege har stadfesta at det er nødvendig. Du må ha ei slik stadfesting for kvar reise.
• Assistent, når assistenten deltek i den daglege oppfølginga, så framt det er nødvendig at assistenten deltek for at kurset/samlinga skal kunne gjennomførast. Helfo dekkjer ikkje utgifter til assistent som skal delta berre for å få nødvendig opplæring til å følgje opp den daglege treninga etter kursopphaldet.

Helfo dekkjer ikkje utgifter for andre slektningar, barnepassarar eller avlastarar, med mindre dei er med som nødvendige følgjepersonar.

Dersom du har fått utbetalt forskot og likevel ikkje kan reise, må du melde frå om dette til Helfo. Då må du betale tilbake forskotet.

Om du ikkje ønskjer forskotsutbetaling, er det likevel mogleg å søkje berre om førehandsgodkjenning til refusjon av utgifter. Du må då sjølv leggje ut for utgiftene og sende søknad om refusjon til Helfo i ettertid. 

Dersom du ønskjer å søkje om forskot eller eventuelt berre førehandsgodkjenning, er det viktig at du gjer dette i god tid før reisa. Sakshandsamingstida er normalt minst fem veker.
Når Helfo har handsama søknaden, får du eit vedtak.

Når du søkjer om å få refundert utgifter etter at reisa er utført, må du sende inn ein søknad der du legg ved spesifiserte kvitteringar for dei utlegga du har hatt. Dersom du ikkje har søkt om forskot tidlegare, må du i tillegg leggje ved ei utsegn frå legen til barnet og utsegn frå regionalt helseføretak. 

Skal du søkje om forskot eller berre om førehandsgodkjenning, må du ha ei utsegn frå legen til barnet i tillegg til ei utsegn frå det regionale helseføretaket som du legg ved søknaden. Når du søkjer om forskot, må du òg leggje ved dokumentasjon på forventa nødvendige utgifter. 

Digitalt skjema

Når søknaden er handsama av Helfo, får du tilsendt eit vedtak. 

Papirskjema

Dersom du skal søkje om refusjon og ikkje kan bruke digitalt skjema, kan du søkje ved å sende inn

saman med nødvendig dokumentasjon til: Helfo, postboks 2415, 3104 Tønsberg.

Det kan vere lurt å ta ein kopi av originalkvitteringane før du sender dei inn.

Skal du søkje om forskot eller berre førehandsgodkjenning, sender du utsegnene til Helfo. Det finst ikkje noko eige skjema du kan bruke til dette.