Du har en nettleser som vi ikke støtter. Les om godkjente OS/nettleserversjoner

Hopp til hovedmeny Hopp til innholdet

POBO OKTASAŠSIIDU

  • Čielggada ja vástida dábálaš jearaldagaid dearvvašvuođabálvalusaid birra

  • Váldá vuostá dieđuid vásáhusaid birra mat dus leamaš go leat deaivvadan dearvvašvuođabálvalusain

  • Rávve ja bagadallá vuoigatvuođaid birra mat dus leat divššohassan dahje geavaheaddjin

  • Juohká dieđuid mo galgá dahkat ohcama ja váidima oktavuođas

  • Deaivvada dearvvašvuođabargiiguin ja áššemeannudeddjiiguin ovttas duinna oažžun dihte vástádusaid jearaldagaide mat dus leat áššái

  • Veahkeha du čállit váidaga jus dárbbašat dan

  • Juohká dieđuid mo sáhtát dáhkat jus leat hávváduvvon divššohassan

  • Juohká dieđuid geainna don sáhtát váldit oktavuođa jus mii eat sáhte veahkehit du

Buot veahkki lea nuvttá - Mis lea jávohisvuođageasku

It dárbbaš almmuhit iežat nama go válddát minguin oktavuođa

Juohke fylkkas gávdno áittardeaddji. Gávnna iežat fylkka ja váldde oktavuođa njuolga singuin oažžun dihte veahki!

Ortnega birra

Stuorradiggi lea mearridan ahte juohke fylkkas galgá leat áittardeaddji mii sáhttá veahkehit divššohasaid ja geavaheddjiid guđet eai oaččo dan veahki dahje dálkkodeami man oaivvildit ahte dárbbašit. Mii leat vuosttašceahkkefálaldat ja jietnaguoddin divššohasaide ja geavaheddjiide geaid mielas lea váttis gozihit iežaset beroštumiid. Dávjá lea min bargu boahtit sisa eaŋkiláššiide ja dagahit oktavuođaid gaskal divššohasa ja dearvvašvuođa- ja fuolahusbálvalusa, ja áššit sáhttet čovdojuvvot formála váidinortnegiid olggobealde.

Áittardeaddjit galget maid bargat dan ovdii ahte dearvvašvuođabálvalusaid kvaliteahta buorrána. Áittardeaddjit leat sorjjasmeahttumat ja sii leat friddja cealkit dilálašvuođaid birra maid oaivvildit fertejit rievdaduvvot addin dihte divššohasaide ja geavaheddjiide buoret dearvvašvuođa- ja fuolahusbálvalusaid. Kantuvrrat lágidit almmolaš divššohas- ja geavaheddjiidvásáhusaid, ja galget leat olámuttos, jáhkehahtti ja konstruktiivvalaččat. Buot áittardeaddjit galget leat autoritehtalaččat, identifiseret ja čoahkkáigeassit hástalusaid ja leat oidnosis ja searvvis servodatdigaštallamis.

 Divššohas- ja geavaheddjiidáittardeaddji-ortnet lea nannejuvvon lága bokte Divššohas- ja geavaheddjiidvuoigatvuođalágas kap. 8.

Áittardeaddjit oaivvildit

Divššohasaide ferte addot buorre ja ollislaš dálkkodeapmi

Buhcciidviesuin ferte leat vuogádat mii hehtte divššohasaid jávkamis vuordinlisttuin

Lea dehálaš čuovvut mielde mo ovttasdoaibmanreforbma váikkuha dearvvašvuođa- ja fuolahusbálvalusaide

Suohkanat ja buohcciviesut fertejit ovttasbargat buoret go deaivvadit olbmuiguin geain leat psykalaš váttut ja olbmuiguin geat leat darvánan gárrenmirkkuide

Gulahallan gaskal dearvvašvuođabargiid ja divššohas ferte buoriduvvot

Ovdamearkkat áššiide

​Oapmahaš fuolastuvvan

Oapmahaš lea fuolastuvvan go suohkan lea ádjánan 8 mánu dahkat mearrádusa ohcamuššii mas ohccojuvvo sadji buhcciidruktui ovtta 95 jahkásaš nissonolbmui.

Ruovttudikšu

Soames almmái válddii oktavuođa go ruovttudikšu ii boahtán nu go lei šihttojuvvon ja son danne ii ožžon dálkasiid maid dárbbašii rivttes áigái.

Váilevaš dikšu čuohpadeami maŋŋá

Soames divššohassii šadde stuorra veallánhávit mat dagahedje bákčasiid go ii ožžon doarvái divššu maŋŋá čuohpadeami. Lášmmodahttin maŋŋonii sakka dán dihte ja sutnje addojuvvui buhtadus.

Guhkes vuordináigi beassat fástadoaktára lusa

Lea guhkes vuordináigi beassat fástadoaktára lusa, ja váttis fidnet diimmu go lea dárbu.

Vuogádatboasttuvuohta

Divššohas jávkkai buohcciviesu vuogádagas ja ii gohččojuvvon dárkkistandiibmui maŋŋá borasdávdačuohpadeami.

Iešsoardin

Oapmahaččat oaivvildit almmái sorddii iežas go čálihuvvui olggos psykiatriijalaš buohcciviesus menddo árrat.

Ii ožžon dálkkodeami

Olbmot geat leat darvánan gárrenmirkkuide eai oaččo dálkkodeami go eai leat beassan mirkkuin eret ovdalaš dálkkodemiid maŋŋá.