Førebuing til å slutte med snus
Det kan hjelpe å planleggje og førebu seg mot ein sluttedato. Om du i dag bestemmer deg for ein sluttedato 2–4 veker fram i tid, er sjansen stor for at du får det til.
Du kan velje om du snusar som vanleg fram til sluttedatoen, eller om du prøver å endre på nokre av vanane. Dersom du endrar på nokre av snusvanane i framkant, blir du meir medviten om kva situasjonar som kan bli utfordrande når du skal slutte.
Du kan:
- lage mindre prisar
- innimellom øve deg på å vere utan snus ei stund
- prøve porsjonssnus eller nikotinfri snus, dersom du bruker laussnus
- leggje noko anna under leppa iblant, til dømes ein pastill eller ein nikotintyggegummi
Det viktigaste for å lykkast er motivasjon
Spør deg sjølv:
- Kva er grunnane dine for å slutte med snus?
- Kva ønskjer du å oppnå?
- Vil du vere ein betre rollemodell?
- Er du lei av å vere avhengig?
- Uroar du deg for helsa?
Helseskader av snus
Snus inneholder helseskadelige stoffer. Gravide bør ikke snuse. Se hva snus gjør med kroppen.
På sluttedagen – slutt heilt med snus!
Fordi du er avhengig, vil du mest sannsynleg kjenne på litt tvil når sluttedagen kjem. Ikkje la tvilen overtale deg til å utsetje å slutte eller tillate deg å snuse litt. Kutt snusen heilt – det er aller viktigast for å lykkast!
Om du får abstinensplager når du sluttar å snuse, er det fint å vite at slike plager er verst dei første 2–3 dagane. I løpet av 2–4 veker er abstinensplagene over for dei fleste. Det vanlegaste er å kjenne seg svimmel, ukonsentrert, rastlaus eller i dårleg humør.
Tips for å lindre abstinensplager
- Drikk meir vatn enn vanleg, et ordentleg og regelmessig for å halde blodsukkeret stabilt
- Nikotinlegemiddel eller reseptbelagede legemiddel berekna på røykjeslutt kan lindre abstinensplager.
- Ver fysisk aktiv! Det kan også lindre abstinensplager.
Snus- eller røyksugen?
Nikotinsug og abstinens er vanleg når du skal slutte å snuse eller røyke. Hald ut. Det verste er over etter kort tid, og det finst råd som hjelper.
Illustrasjon: Mostphotos
Bruk legemiddel eller anna hjelp til å kutte snusen
Legemiddel kan dempe suget
Nikotinlegemiddel og reseptbelagde legemiddel berekna for røykjeslutt ser ut til å kunne vere til hjelp på kort sikt. Det er så langt ikkje forska nok på langtidseffekten på snusslutt. Reseptpliktige legemiddel kan dempe suget etter snus og minske sjansen for vektauke så lenge behandlinga går føre seg. For meir informasjon om legemiddel, snakk med apotek eller lege.
Bruk Slutta-appen
Slutta-appen kan brukast som din personlege hjelpar og motivator når du skal slutte å røykje eller snuse. Appen viser deg også kor mykje du sparer på å slutte.
Få hjelp til din snus- og røykeslutt
Det er enklere med litt hjelp. Bruk Slutta-appen, snakk med helsepersonell eller apotek, bruk legemidler, sjekk tilbudet på kommunens frisklivssentral.
Illustrasjon: Helsedirektoratet