Barn med hoftefeil kan få stønad
Helfo kan gi godkjenning til utlån av spesialvogn for
- barn med medfødd hoftefeil (hofteluksasjon eller hoftedysplasi) som blir behandla med gips eller Freijkas pute
- små barn med erverva (ikkje-medfødde) hoftelidingar som blir behandla på same måte i ein kortare periode
Send søknad til Helfo
Du kan søkje om å få låne spesialvogn ved å bruke digitalt skjema. Legg ved ei legeerklæring som beskriv situasjonen til barnet
Dersom du ikkje kan bruke det digitale skjemaet, kan du i staden fylle ut og sende inn legeerklæringa som beskriv situasjonen til barnet, til Helfo, Postboks 2415, 3104 Tønsberg.
Utlevering av vogn
Når søknaden er handsama, får du eit vedtak frå Helfo i posten. Helfo sender ein kopi av vedtaket til Nav hjelpemiddelsentral i det fylket barnet er busett i.
Når du har teke imot vedtaket, tek du det med deg til Nav hjelpemiddelsentral i det fylket barnet er busett i, så får du utlevert vogna.
Viss hjelpemiddelsentralen ikkje har ei passande vogn til utlån, kan hjelpemiddelsentralen kjøpe inn ei ny vogn. Innkjøpet må avgrensast til «den rimelegaste vogna som fyller formålet».
Spesialvogna må leverast tilbake til hjelpemiddelsentralen når du er ferdig med henne.
Saksbehandlingstid og svar på søknad for spesialvogn
Saksbehandlingstida for søknad om lån av spesialvogn er normalt inntil éi veke.
Helfo sender deg vedtak som gjeld saka di til innboksen din på Helsenorge (eller i di digitale postkasse, om du heller bruker Digipost eller e-Boks). Om du ikkje bruker digitale løysninger, sender vi post til den folkeregistrerte adressa di.