Symptom ved forgifting med caladium
Caladium-artar inneheld uløyselege kalsiumoksalat-krystall. Ved tygging på plantedelar frå caladium kan barnet oppleve irritasjon og ubehag på leppe, tunge, i munnhòle og i svelg.
Dersom barnet ditt har smakt på ein caladium-plante, kan følgjande symptom oppstå:
- vondt i munn, tunge og svelg
- auka sikling og spyttproduksjon
- kvalme og oppkast
- diaré
Førstehjelp ved forgifting med caladium
Ved inntak av plantedelar:
- Fjern eventuelle planterestar frå munnen.
- Gi litt drikke.
- Kontakt Giftinformasjonen dersom barnet ditt har ete mykje plantemateriale.
- Kontakt lege for vurdering ved langvarige eller kraftige symptom.
Ved søl av plantesaft på auget:
- Skyl auget med lunka, rennande vatn i fleire minutt.
- Kontakt lege ved kraftige eller vedvarande symptom.
Skildring av caladium
Caladium-artar er stoveplantar, som til dømes droplerot (Caladium bicolor). Dette er bladplantar som liknar alocasia, men kan vere kvite, grøne, rosa eller sølvfarga.

Illustrasjon: Chakkapong Benjasuwan/Mostphotos